Einbýli á einni hæð með 3 svefnherbergjum og einkasundlaug í Altos de Campoamor

Nýr kjarni nútímalegra einbýla í Altos de Campoamor, íbúðahverfi í Orihuela Costa. Hverfið er gróið og býr yfir margskonar þjónustu, s.s matvöruverslanir, banka, apótek, bari og veitingastaði, auk heilsugæslu. Zenia verslunarmiðstöðin er í 10 mínútuna akstursfjarlægð með öllum sínum verslunum og veitingastöðum, auk afþreyingu af ýmsu tagi. Svæðið er kjörið fyrir áhugamenn um golf með 3 golfvelli í 5 mínútna fjarlægð, eins og Las Ramblas, Campoamor Golf og Villamartín Golf. Strendur Orihuela eru stutt frá, s.s. La Zenia, Playa Flamenca, Campoamor ofl. Hverfið er nálægt N332 og AP7 hraðbrautinni og er afar vel staðsett á suðurhluta Costa Blanca sem gerir það einfalt að aka á flugvellina í Murcia og Alicante á 45 mínútum.

Húsin eru á einni hæð með 3 svefnherbergjum og 2 baðherbergjum, auk kjallara sem býður upp á fjölmarga möguleika. Þau eru nútímalega hönnuð og eru með bogadregnum línum að utanverðu. Innandyra eru húsin afar  rúmgóð og er eldhúsið, stofan og borðstofan í opnu rými. Það rými opnast út á verönd og sundlaugarsvæðið, sem og svefnherbergin 3, en þar sem húsið er L-laga þá er veröndin aðgengileg úr öllum herbergjum. Hjónasvítan er með baðherbergi innaf sem er með tvöföldum vaski. Innangengt er niður í kjallara en möguleiki er að útbúa hann að vild, ef bygginga- og framkvæmdastig leyfir, fyrir aukagjald, s.s. sem íbúð, tómstundaherbergi, bíósal eða líkamsrækt.

See more...