Íbúðir með 3 svefnherbergjum og stórri verönd í El Raso, Guardamar

Nýr íbúðakjarni í El Raso, sem er afar vinsælt íbúðahverfi í Guardamar del Segura. Svæðið býður upp á úrval af þjónustu af öllu tagi, s.s. matvörubúðir, banka og apótek, bari og veitingastaði, heilsugæslu og alþjóðlega skóla. Mikil afþreying er í boði á svæðinu, eða í stuttri akstursfjarlægð, s.s. golfvellir, vatnsleikjagarður, íþróttavellir og vatnasport í og við stórbrotnar strendur Guardamar sem eru einungis í 10 mínútna fjarlægð frá kjarnanum. Kjarninn er stutt frá La Mata náttúrugarðinum sem er kjörinn fyrir göngur og hjólaferðir. Hverfið er nálægt AP7 hraðbrautinni og N332 sem gerir það auðvelt að tengjast vegakerfinu til að komast á milli staða, en það tekur einungis um 10 mínútur að aka til Torrevieja, um 15 mínútur að komast til Orihuela Costa, um 55 mínútur til Alicante og um 40 mínútur á flugvöllinn.

Kjarninn býður upp á nokkrar týpur af íbúðum með 3 svefnherbergjum og 2 baðherbergjum, sem eru fáanlegar í mismunandi útgáfum; jarðhæð með einkagarði (verönd), miðhæð með stórri verönd og þakíbúðir með sólstofu. Allar íbúðirnar eru með fullbúið eldhús, stofu og borðstofu í opnu rými sem opnast út á verönd með útsýni yfir glæsilegan kjarnann. Hjónaherbergin eru með eigið baðherbergi inn af. Íbúðunum er hægt að breyta m.t.t. innréttinga og efnisvals en öllum fylgja loftkæling, eldhústæki, innbyggðir fataskápar, innfelld lýsing, og einkastæði. Þakíbúðunum fylgir útieldhús, og tengi fyrir heitan pott.

See more...