Costa Blanca Suður, Vega Baja (Costa), Guardamar
Þessi eign er ekki í boði
REF 4932484
Nýr íbúðakjarni í Guardamar del Segura, nálægt höfninni og um 900 m frá ströndinni. Guardamar býður upp á alla mögulega þjónustu allt árið um kring, auk frábærra stranda. Fjöldi tækifæra til afþreyingar er á svæðinu, s.s golfvellir, vatnsrennibrautargarður, fjölnota íþróttahús og alls kyns vatnasport. Kjarninn er í um 15 mínútna fjarlægð frá Lagunas de la Mata náttúrugarðinum með fjölda göngu- og hjólastíga umhverfis saltlónið. Svæðið er vel tengt vegakerfinu og er Santa Pola, Torrevieja og Orihuela Costa á um 30 mínútna radíus við svæðið. Til Alicante er um 40 mínútur og um 30 mínútur á flugvöllinn. Þetta er kjörið svæði sem orlofshús sem og heimili allt árið um kring.
Kjarninn býður upp á íbúðir sem eru með 2 eða 3 svefnherbergjum, fáanlegar í mismunandi útgáfum; jarðhæðir og miðhæðir sem eru með 2 svefnherbergjum og verönd, íbúðir á 2 hæðum með 3 svefnherbergjum og þakíbúðir með 2 svefnherbergjum og þakverönd. Allar eru þær bjartar með fallegu útsýni, sumar til sjós en aðrar yfir furuskóglendi. Allar íbúðirnar eru með eldhús, stofu og borðstofu í opnu rými sem opnast út á verönd þar sem hægt er að njóta miðjarðarhafsloftslagsins. Hjónaherbergin eru með baðherbergi inn af.
Íbúðunum fylgja tengi fyrir loftkælingu, geymsla, og bílastæði annað hvort í bílakjallara eða undir berum himni. Þakíbúðirnar eru með innbyggt grill á þakveröndinni.
Kjarninn er með ýmis sameiginleg svæði auk stórrar sundlaugar með barnasvæði og heitum potti, græn svæði með gervigrasi og reiðhjólastæði.
Costa Blanca Suður, Vega Baja (Costa), Guardamar
Guardamar er einn af helstu ferðamannastöðunum við Suður Costa Blanca, ásamt Orihuela Costa, Torrevieja og Santa Pola.
Guardamar hefur 11 km. langa mishæðótta strönd og þar má njóta átta breiðra, gullinna stranda. Þar á meðal eru nektarströndin Los Tusales og hin fallega Pinada, við hlið hreyfanlegu sandhólana sem liggja meðfram sjávarsíðunni í Guardamar. Fasteignir sem í boði eru í Guardamar eru á breiðu verðbili. Sérstakt úrval er að finna í fasteignum við ströndina, með ótrúlegu sjávarútsýni og fyrsta flokk gæðum. Hér má sjá fasteignirnar við ströndina í Guardamar
Viltu skoða þessa eign og svipaðar eignir?
Komdu í heimsókn og skoðaðu með eigin augum