Lúxus einbýli í lokuðu hverfi í Puerto Banús

Nútímaleg einbýlishús með 6 svefnherbergjum, byggð á yfir 2.000 m2 lóðum og á þremur hæðum, auk þakverandar. Húsin bjóða upp á opna jarðhæð sem sameinar eldhús, borðstofu og setustofu með stórum gluggum. Rúmgott svæði sem tengist veröndinni, garðinum og sundlaugarsvæðinu. Einnig má finna en-suite svefnherbergi, gestasalerni og yndislega verönd með gosbrunni á þessari hæð. 4 svefnherbergi, öll með sér baðherbergi, eru á fyrstu hæð. Hjónaherbergið er einnig með sér fataherbergi og verönd. Kjallaranum er skipt upp í ýmis svæði, þar af er heilsulindin glæsilegust. Þar má finna 24m2 upphitaða sundlaug, gufubað, tyrkneskt gufubað og búningsklefa. Það sem eftir er af kjallaranum er svefnherbergi, kvikmyndasalur, stór setustofa, líkamsræktarstöð, eldhús, tvö gestasalerni, þvottahús og tvær geymslur. Bílskúrinn hefur pláss fyrir 4-6 bíla, eftir gerð.

Í einhverjum eignum og eftir byggingarstigi, er hægt að sérsníða skipulag á jarðhæð, með því að bæta við auka svefnherbergi eða skrifstofu.

Útisvæðin eru jafn vandlega hönnuð og innri rýmin í húsunum, með stórri og fallegri verönd, garði og einkasundlaugarsvæði á jarðhæð. Þakveröndin er svo tilvalin til að njóta fallegs sjávarútsýnis.

Hágæðafrágangur er á eignunum og þeim fylgja eldhústæki, gólfhiti í öllu húsinu, lyfta fyrir 6 manns frá kjallara uppá þakverönd, arinn, tvær saltvatnslaugar, snjallheimiliskerfi, foruppsetning fyrir sjálfvirkt vökvunarkerfi í garðinum og nuddpottur á þakveröndinni.