Costa del Sol, Málaga
REF 5435183
Nýtt íbúðaverkefni í borginni Malaga. Frábær staðsetning, í aðeins 20 mínútna göngufjarlægð frá sögulegum miðbænum og hinni frægu Larios-götu. Verkefnið er umkringt úrvali af þjónustu í göngufæri, svo sem matvöruverslunum, skólum, íþróttamannvirkjum, verslunarmiðstöðvum, apótekum, sjúkrahúsum, veitingastöðum og börum. Malaga er frægt fyrir frábært listalíf og menningarlegt aðdráttarafl, með meira en 36 söfnum og galleríum, og ekki má gleyma fallegu ströndunum sem laða að gesti allt árið um kring. Í borginni er einnig alþjóðaflugvöllur og háhraðalestarstöð, sem eru í aðeins 15 og 10 mínútna fjarlægð frá íbúðunum.
Íbúðirnar eru fáanlegar með 1 svefnherbergi og 1 baðherbergi, eða 2 svefnherbergjum og 2 baðherbergjum, og eru báðar týpur íbúða með opnu stofurými, en íbúðirnar með 2 svefnherbergjum eru með verönd og hjónaherbergið er með sérbaðherbergi.
Allar íbúðir eru byggðar úr hágæða efnum og, eftir byggingarstigi, möguleika á að sérsníða frágang/efnisval. Allar íbúðirnar eru með fullbúnu loftræstikerfi, Climalit tvöföldu gleri, fullbúnu baðherbergi, myndbandssímkerfi, geymslu og bílastæði með foruppsetningu á hleðslustöð fyrir rafbíla.
Sameingarsvæðin eru fullkomin til að njóta Miðjarðarhafsloftslagsins. Rúmgóð verönd er á jarðhæð með hvíldarsvæði og á þaki hússins er frábær sundlaug fyrir fullorðna, með sólbaðsaðstöðu, salernum og setustofu með stórkostlegu útsýni yfir Malaga borg.
Costa del Sol, Málaga
Málaga borg, höfuðborg samnefnds héraðs, er staðsett við vesturhluta Miðjarðarhafsins á suðurströnd Spánar, í um 100km fjarlægð frá Gíbraltarsundi. Íbúafjöldi borgarinnar er um 580.000 og hún þannig önnur fjölmennasta borg Andalúsíu og sjötta í röðinni yfir Spán í heild sinni. Borgin var stofnuð af Föníkumönnum á áttundu öld fyrir Krist, sem gerir hana enn fremur að einni elstu borg Evrópu.
Fyrir utan sólríkar strendur, býr þessi borg við rætur Miðjarðarhafsins að mjög áhugaverðum menningarhefðum. Staðurinn sem bauð snillinginn Pablo Picasso velkominn í heiminn, hefur á undanförnum árum aukið við menningararfinn og opnað söfn við allra hæfi. Í borginni má finna einu Pompidou miðstöðina utan Frakklands.
Á síðustu árum hefur Málaga bæst í hóp bæjarfélaga sem kalla má hefðbundna áfangastaði þeirra sem velja þann kost að koma sér upp heimili í sólinni, á borð við Marbella og Benahavís, þökk sé ríkara menningarlegu framboði, úrvali tómstunda og dægradvalar, tæknivæðingu í borginni og nútímalegri aðlögun að grunnþörfum þeirra sem ferðast og dvelja á staðnum. Það er notalegt að ganga um borgina sem verður alltaf vinsælli og sjá hvernig Alcabaza virkið, Castillo de Gibralfaro kastalinn og dómkirkjan, La Catedral, blandast við önnur hverfi eins og listamannahverfið Soho, með veröndum þar sem má tylla sér og snæða…eða fyrir þá sem elska að versla, að kanna merkar verslanagötur.
10 km
2 km
1 km
2 km
1 km
8 kmViltu skoða þessa eign og svipaðar eignir?
Komdu í heimsókn og skoðaðu með eigin augum
Myndasafn
