Costa Blanca Norður, Marina Alta, Cumbre del Sol
Þessi eign er ekki í boði
REF 3076907
Einbýli á glæsilegu svæði, Cumbre del Sol, við norður Costa Blanca. Í göngufæri frá Adelfas verslanamiðstöðinni með öllum daglegum þægindum og fjölmörgum veitingastöðum. Svæðið býður upp á margs konar tómstundir, svo sem tennis, paddle, golf og siglingar og auk þess er þar alþjóðaskóli. Sérstaða svæðisins og náttúrulegt umhverfi gerir það að verkum að húsin njóta öll fallegs útsýnis.
Í boði eru tvær gerðir húsa; einbýlishús á einni hæð með kjallara/bílskúr eða einbýlishús á tveimur hæðum með kjallara. Húsin eru byggð á 708m2 og 1.220m2 lóðum, eftir tegund en tveggja hæða húsið er á stærri lóð. Báðar gerðirnar eru með 3 svefnherbergjum og rúmgóðri stofu, borðstofu og eldhúsi. Úr alrými er gengið út á suðurverönd og sundlaugarsvæði, þar sem njóta má ótrúlegs sjávarútsýnis. Í kjallaranum er geymsla en að öðru leyti má hanna hann að vild.
Húsin búa að hágæðafrágangi og velja má um ýmislegt. Loftkæling/hitun, eldhústæki, gólfhiti, viðvörunarkerfi, fataskápar, þvottahús, einkasundlaug og bílastæði á lóð er innifalið í kaupunum.
Costa Blanca Norður, Marina Alta, Cumbre del Sol
Cumbre del Sol tilheyrir bæjarfélaginu Benitachell, sem liggur milli tveggja vel þekktra bæja, Jávea og Moraira, og er í aðeins 12 km fjarlægð frá Calpe, 10 km frá AP7 hraðbrautinni, 30 km frá Benidorm, 75 km frá Alicante og 102 km frá Valencia.
Magnaðir klettar, sem sumir eru yfir 100 metra háir bjóða íbúum svæðisins uppá stórkostlegt útsýni yfir hafið frá nokkrum útsýnisstöðum umkringdum vernduðum svæðum eins og þjóðgarðinum Natural Park of Granadella, þar sem ganga má í hæðunum yfir klettana og skoða hellana
Strandlengjan við Benitachell er tilvalin fyrir þá sem hafa gaman af köfun og öðrum vatnaíþróttum. Frá Cumbre del Sol er beinn aðgangur að þremur fallegustu klettavíkum héraðsins, Cala Moraig, Cala de Los Testos, og Cala del Llebeig.
Nálægð svæðisins við bæina Jávea og Moraira gerir það að tilvöldum stað fyrir þá sem leita að eign við Costa Blanca í gríðarfallegri náttúru þar sem að auki má finna góða þjónustu. Cumbre del Sol er þannig einstök staðsetning.
Svæðið teygir sig eftir strandlengjunni um 3.700.000 m2, og skiptist í nokkur íbúðahverfi með einbýlum, raðhúsum og íbúðum sem öll eru umkringd gróðursælum reitum og Miðjarðarhafið er skammt undan.
Viltu skoða þessa eign og svipaðar eignir?
Komdu í heimsókn og skoðaðu með eigin augum