Einstök einbýlishús með 3 svefnherbergjum, kjallara, sundlaug og sjávarútsýni í Polop

Einstök einbýlishús í vinsælu íbúðahverfi í Polop, með stórkostlegu útsýni yfir Miðjarðarhafið. Kjarninn er staðsettur á milli Polop og La Nucia, og býður upp á mikið úrval af alls kyns þjónustu, s.s. matvöruverslanir, búðir, banka, apótek, veitingastaði og bari. Strendur Altea og Benidorm eru einungis í 8 og 10 km akstursfjarlægð. Fjöldinn allur af tækifærum til útivistar eru á svæðinu, s.s. golf, göngur, skemmtigarðar, vatnasport og siglingar. Kjarninn er vel staðsettur innan vegakerfisins á Costa Blanca og er einungis 45 mínútna akstur til flugvallarins í Alicante.

Tveggja hæða einbýlishús með 3 svefnherbergjum, sem öll eru með baðherbergjum inn af, og kjallara, byggð á lóðum sem eru um 393-434 m2. Húsin eru öll með stofuna, borðstofuna og eldhúsið í opnu rými með mikilli lofthæð. Stórir gluggarnir hleypa náttúrulegri birtu inn sem gerir húsin björt og flæðandi að útisvæðinu, sem er þakið að hluta og með “infinity” sundlaug. Kjörið til að njóta lífstílsins á Spáni í mildu loftslagi með stórkostlegu útsýni yfir fjöllin, Miðjarðarhafið og yfir til Altea og Benidorm. Tvö svefnherbergi eru á efri hæðinni, bæði með sér svalir sem snúa að sundlauginni. Hjónaherbergið er með fataherbergi. Kjallarinn býður upp á ýmsa möguleika en í honum er einnig geymsla og tengi fyrir  baðherbergi eða eldhús.

See more...