Costa del Sol, Costa del Sol Occidental, Fuengirola
REF 4611570
Nútímalegar lúxus eignir með stórkostlegu víðáttumiklu sjávarútsýni í Fuengirola. Fullkomin staðsetning, aðeins 6 mínútur frá ströndinni, 10 mínútur frá miðbænum og miðja vegu milli Málaga og Marbella, tveggja af mikilvægustu borgum Costa del Sol. Stutt er í alla nauðsynlega daglega þjónustu eins og matvöruverslun, íþróttamannvirki, heilsugæslustöð, frábæra skóla fyrir alla aldurshópa og einstakt úrval af verslunum og tómstundum, auk veitingastaða. Fjölmargir golfvellir eru í nágrenninu, ýmsar gönguleiðir, sem og vatnaíþróttir við strendurnar. Þökk sé góðri vegatengingu er auðvelt að komast til annarra mikilvægra ferðamannasvæða, eins og La Cala de Mijas á 12 mínútum, fallega bæjarins Mijas á 20 mínútum, Puerto Banús á 35 mínútum og sögulegs miðbæjar Marbella á 30 mínútum. Alþjóðaflugvöllurinn í Málaga er í aðeins 20 mínútna fjarlægð.
Kjarninn samanstendur af einstökum einbýlishúsum, á lóðum milli 518m2 og 854 m2, sem öll snúa í suðaustur, með garði, stórum veröndum og einkasundlaug. Eignirnar eru fáanlegar af mismunandi gerðum; einbýlishús með 4 svefnherbergjum, 3 eða 4 baðherbergjum, 1 gestasalerni og kjallara, einbýlishús með 5 svefnherbergjum, 4 baðherbergjum, 2 gestasalernum og kjallara og einbýlishús með 5 svefnherbergjum, 5 baðherbergjum, 3 gestasalernum, kjallara og þakverönd.
Nútímalegar og nýstárlegar eignir á tveimur hæðum auk kjallara, með stórum gluggum sem skapa björt innri rými, auk þess að bjóða upp á frábært sjávarútsýni. Húsin hafa opið alrými á jarðhæð sem sameinar setustofu, borðstofu og eldhús í stórt rými með útgengi út á verönd. Einnig má finna stórt en-suite svefnherbergi og gestasalerni á þessari hæð. Þrjú svefnherbergi, með eða án sér baðherbergis, eru á fyrstu hæð, þar á meðal aðal en-suite svefnherbergið, með fataherbergi.
Kjallari skiptist í ýmis rými og er sérhannaður að fullu. Sem dæmi er í boði lítill innri garður sem skapar bjart rými, auka en-suite svefnherbergi, þvottahús, bodega/vínkjallari, líkamsræktarstöð og stórt fjölnota rými sem hægt er að nota sem auka setustofu, heimabíó, eða annað. Einnig er innangengt í bílskúr með plássi fyrir allt að 3 bíla.
Gæðafrágangur er á eignunum og þær eru afhentar með eldhústækjum, loftkælingu, innbyggðum fataskápum, tvöföldu gleri, arni og snjallheimiliskerfi.
Útisvæðin hafa einnig verið hönnuð með fínustu smáatriðum og eru stórkostlegt rými til að njóta frábærs loftslags við Costa del Sol. Einkasaltvatnssundlaug með LED lýsingu, útisturta með heitu vatni, Miðjarðarhafsgarður með grasflöt, innfæddum plöntum og trjám, sjálfvirk vökvun, göngustígur með náttúrusteini, útilýsing, foruppsetning fyrir grillsvæði og fjarstýrt hlið.
Costa del Sol, Costa del Sol Occidental, Fuengirola
Fuengirola er borg sem angar af Andalúsíu og býður uppá víðfeðma strandlengju sem skreytt er stórkostlegum ströndum. Þessi borg í Málaga héraði hefur um langt skeið verið eftirsóttur ferðamannastaður og býður uppá fjölbreytt úrval þjónustu og innviða, svo sem golfvelli, hestabúgarða, skemmtigarða, hótel og veitingastaði, svo ekki sé minnst á menningarhefðir og hátíðir. Menningarlegir viðburðir í Fuengirola, ásamt vinsælum hátíðahöldum, teygja sig yfir árið eins og það leggur sig og endurspegla opið og alúðlegt viðmót innfæddra.
Íbúafjöldi í borginni er um 80.000 manns, sem gerir hana að fimmta fjölmennasta sveitarfélagi Málaga, á eftir höfuðborginni sjálfri, Marbella, Vélez-Málaga og Mijas.
Fuengirola var stofnuð af Föníkumönnum og um hana fóru Rómverjar, Býsantíumenn, Vestgotar og Múslímar ásamt öðrum þjóðum, þar til hún var opinberlega innlimuð í konungsríki Kastilíu, árið 1485. Í dag er Fuengirola mikilvægur ferðamannastaður sem hýsir um 250.000 manns yfir sumartímann og hagkerfi borgarinnar veltur á ferðamannaþjónustu.
19 km
5 km
5 km
1 km
4 km
4 kmViltu skoða þessa eign og svipaðar eignir?
Komdu í heimsókn og skoðaðu með eigin augum
Myndasafn
